Equí pues ver lo que pasa tolos díes cuando Iván llega a la filera de Clase.

Iván yera un neñu roxu, colos pelos apuntando pal cielu, y que tenía una especialidá mui especial: yera espertu en llegar por sorpresa y emburriar a los collacios. Daba unos emburriones que metíen mieu. Y depués espatuxaba de la risa. A vegaes, Toya camentaba pa ella, viendo n’aición a Iván, que debía pasase les tardes en casa entrenando emburriones. Yera capaz d’emburriar con toles partes del cuerpu. Nel colexu nun yera mui
popular, de xuru que porque toos y toes queríen evita-y al so cuerpu les cucaes d’Iván.