ESTO YE UNA Carta que escribió un amigu pa reconocer que la autorida (competente) acaba siendo una basura
pero cuidiau queso non ye na comparau con la inmensida´ l Oceanu.
La inmensida´l Oceanu, (pal que sea muy burru,el Oceanu ye un mar muy grande) ye tan enorme que toes eses coses non se ven pero el que non ve ye cegaratu, pero claro tien olfatu
y claro estes coses cada vez guelen mas mal.
Esta carta iba dirigia a un periodicu que toos conocemos ¿sabeis cual fue la sorpresa? QUE YOS FALTARON LOS GUEVOS PA
PUBLICALA. Pero ye igual, siempre ye igual dallos lo mesmu fain lo que yos da la gana, son los amos de la masa borreguil
entre asociaciones, partios, futbol y revistes del corazon nos tienen atolondraos y entretenios, pero nadie tien cojones a decir la verdad
nos tienen ACOJONAOS.
El que vaya de valiente MIENTE.
Pero yo sigo creyendo en la buena gente, y que no nos cansen, que si pasen de la raya acabamos co´l gobiernu
¡
7 de mayo de 2006
Estimáu direutor: Taría-y peragradecíu si publicase estes llínies nel so periódicu.
Toi Esmolecíu
Acabo de lleer nel so periódicu que multen a la Comisión de Fiestes de La Camocha por facer “la piesca el gochu” ensin el permisu alministrativu, dicen qu’el gochin pue sufrir hasta un infartu. Si lleguen tener el permisu, imaxínome la situación; sedría como una película de los debuxos animaos. El probe gochin tirau’n suelu col coral parau dempués de da-y un baltu, nestes llega’l Nacho el presidente de les fiestes, arrodillase’l so llau, la cara esmolecía, pensatible, puen mete-y una multa d’órdagu. Con munchu procuru saca un papel del bolsu, llevanta-y la tiesta ‘l marranu y diz-y: oyi que nun pues morrer, que m’estropies les fiestes, amás, tengo permisu de la Conseyería, míralu. Nestes el probe animal abre con disimulu’n gueyu, chisba’l papel, ya tou roceanu ponse a correr, primero sele, mui sele. Llueu como un llocu, mientras piensa, ¡cagonmimanto, teníen permisu!, ¿quién sería el fiu de .... que-yos lu dio?.
Yo tómolo a risa, creo que nun se pue tomar d’otra mena. Asina qu’esa xente que ta en Madrid esmolezse polos derechos d’un probe gochu que l’único que lleva ye un sustu, pero igual tuvieron na feria de san Isidro, viendo matar toros, si non pueden venir pa la de Begoña. La sangre, los berríos ya el escarniu garantizo-ylos yo.
Tan medrando les asociaciones en defensa d’esto y daquello. Esti añu nun sé si podrán facer el “Concursu de segaores” en Caliao, pues la asociación pola defensa del esculibiertu ta preparando alegaciones, y l’asociacion pola defensa del grillu diz qu’al cabruñar meten munchu ruidu y los grillos estrésense.
Mientres escribo estes patochaes, n’algún semáforu tará una muyer , nos sos brazos un rapacín con cara afamiau, los mocos cayendo-y, fartu de berrar. Será rumanu, húngaru, o quiciaves de Perendi. Pero eso nun ye p’esmolecese. ¡Probe gochu!
Un etarra confesu, con una condena de más de tres mil años saldrá de la cárcel si non ponen remediu. Les sos víctimes nun pueden salir del cementeriu, ¡qué mas dará!. ¡Probe gochu!
Una muyer ta nel siquiátricu por prende-y fueu al violaor de la so fía. Lluego dirá pa la cárcel. Si a semexante fíu de puta l’ hubieren encerrao y tirao les llaves nun podría esa madre prende-y fueu. Pero claro, ... si s’estresa el gochu, ¿cómo vamos pedir que los etarras, violadores y asesinos cumplan les condenes íntegres? ¡Menudu estrés tar na cárcel, pue date un baltu’l coral! ¡Probe gochu!
Por cierto, entrúgome ¿ de qué viven los presidentes y secretarios de tantes y tantes organizaciones como tan medrando per toos los requexos desti país de pandereta?