Qué ye SERONDA:

 ESTATUTOS

CAPÍTULU 1u. - DENOMINACIÓN, OXETU, DOMICILIU Y ÁMBETU

Artículu 1u ) L’asociación pa la cooperación Seronda constituise per tiempu indefiníu, ensin fines lucrativos y con domiciliu en :

Manuel Llaneza , 68 - 33208 Xixón - (Asturies - España)

Tien por oxetu promover y realizar acciones, proyeutos y programes de cooperación y aida colos pueblos y persones más necesitaes que la so finalidá seya la de contribuir a la meyora del nivel de vida de los sos habitantes ensin exclusiones de dengún xéneru, na alimentación, la sanidá, la educación, la vivienda y la cultura. L’asociación xestionará’l soporte material y técnicu pa les acciones, programes y proyeutos que se desendolquen cola necesaria coordinación pa un desempeñu eficaz.

Artículu 2u ) L’asociación somete la so existencia, estructura, funcionamientu y actividaes a la llei 191/64 de 24 d’avientu. Ye completamente independiente de cualesquier organización o entidá, y tá constituida por persones que comparten los oxetivos que s’especifiquen nel artículu 1º

Articulo 3u ) El domiciliu social queda establecíu en:

Manuel Llaneza , 68 - 33208 Xixón - (Asturies - España)

Podrá treslladar el so domiciliu y abrir otres delegaciones y llocales previu acuerdu social favoratible y cumpliendo les formalidaes pertinentes.

 Articulu 4u ) L’asociación constituise como Organización Non Gubernamental (ONG) pa tol ámbetu territorial del PRINCIPÁU D’ASTURIES.

Articulu 5u ) A l’asociación podrán pertenecer toles persones físiques que con capacidá d’obrar asuman los oxetivos de l’asociación y lo soliciten.

L’asociación alcuéntrase rexistrada nos siguientes organismos oficiales:

  Rexistru d’Asociaciones del Principáu d’Asturies col Nu (5.065)

  Rexistru Municipal d’Asociaciones del Ayuntamientu de Xixón con el Nu (612)

  Axencia tributaria, códigu d’identificación G33833617

  Inscrita nel rexistru d’organizaciones non gubernamentales pa la cooperación al desendolcu nel exterior del Principáu d’Asturies

col Nº 35 (Direición Xeneral de Servicios Sociales Comunitarios y Prestaciones) Conseyería d’Asuntos Sociales.

 

NEL AÑU 2003 L’ASOCIACIÓN FOI DECLARADA D’UTILIDÁ PÚBLICA