iván cuevas nació nel xixón del desmantelamientu económicu que, nos ochenta, tovía llamaben reconversión industrial. dio-y por matriculase en periodismu y en filoloxía románica, lo que lu llevó a compostela, barcelona y uvieo. entrín se licenciaba y non, foi fundador del cineclube de compostela y miembru del conseyu de redacción d’ariel. boletín de cinema en galego. en febrero del 2006 publicó la ciudá nel branu, dientro de la colección de poesía atrés, con traducción al gallego, y depués daqué cosa nes revistes formientu y lliteratura. colos llamatos de periodista o filólogu, tien colaborao en delles publicaciones, como novas da galiza, lletres asturianes o revista de filoloxía asturiana. actualmente, trabaya como auxiliar d’alministración.

imaxen de Tomás Montes.