© Suburbia Ediciones S. L. c/Duque de Rivas, 1, 1º D.
Xixón (33204)
Con una ayuda de la
Conseyería de Cultura, Comunicación Social y Turismu del Principáu d'Asturies
Contactu
suburbiaediciones@hotmail.com
Les siete novies del rei (fragmentu)
CHAMBELÁN. (Torna a pegar col palu en suelu)
¿Acasu vosotres nun sabéis quién ye’l
tal Aurelio?
ALDONZA.
¡Yo lo sé! ¡Yo lo sé!
Y sin munchos rodeos lo diré.
Esi Aurelio nun ye monxu
nin tampoco mercader,
nun ye conde, nin ye duque,
nin marqués,
nin tampoco mensaxeru,
nin mineru,
nin sastre, nin carpinteru.
CHAMBELÁN. ¿Vas dicilo d’una vez?
ALDONZA.
Y albañil tampoco ye.
Esi Aurelio ye’l primeru.
CHAMBELÁN. Mesmamente.
ALDONZA.
Esi Aurelio
ye de mui altu nivel.
CHAMBELÁN. Vas de frente.
ALDONZA.
La so profesión ye tal
que más alta nun pue ser.
CHAMBELÁN. Caliente, caliente.
ALDONZA.
Esi Aurelio ye namenos
¡que’l primer bufón del rei!
CHAMBELÁN. (Escandalizáu, lleva una mano a la
cabeza y alza’l palu) ¡Que la tiren dende’l puente!
(Entren dos soldaos y lleven a Aldonza a rastres,
mientres ella protesta) ¡Una menos!
MICAELA. ¿Qué quier dicir una menos
CHAMBELÁN. Lo que quier dicir yá lo veremos.
Asina que toes vosotres vos queréis casar
con don Aurelio, pero nun sabéis quién ye
de verdá nin sabéis por qué afuxía de la que
lu conocistis.
SERVANDA. Yo sí sé por qué, pero agora nun
lo puedo contar.
GAUDIOSI.
¿Cómo que non?
Uy qué misteriu, o sea, qué mal,
uy, por favor, que me pruye en cantidá.
HIPÓLITA.
¿Qué te lo torga?¿Una promesa? ¿Una amenaza?
¿Acasu un votu que la to llingua atenaza?
SERVANDA. Nun me lo impiden promeses
nin tengo que lo callar,
lo que pasa ye que toi
a poco d’arreventar.
¿Alguién me podrá dicir
n’ónde pudiera mexar?