© Suburbia Ediciones S. L. c/Duque de Rivas, 1, 1º D.
Xixón (33204)
Con una ayuda de la
Conseyería de Cultura, Comunicación Social y Turismu del Principáu d'Asturies
Contactu
suburbiaediciones@hotmail.com
Sergio Gutiérrez Camblor
TRES LA VISTA D’UN FERRE DE GARRA MARELLUDA NA MEDIANA L’AUTOVÍA
Hai tardes nes que conduzo pensando en que Marylin M. m’apurre carambelos de café
dende l’asientu d’atrás
y que depués d’entruga-y sobre la canción que ponen na radio
estrellámonos escontra un arbolón con fueyes d’un naranxa murniu.
Y que depués de que ya se retorció’l fierro y de que me regaron con adrenalina
la tráquea
tien que describi-y a la sombra l’arbolón
a un home d’uniforme con unes botes precioses
cómo foi l’accidente:
un descuidu –diz-
que m’adoraba y que tola culpa foi d’ella
que pa ella’l mio cuerpu yera’l cosmos abiertu, somníferu y whisky dulce.
-mira a Dios como me saluda con una sorrisa y un golor a madre-
Pero siempre torno a mi otra vegada y otra. Los camiones grandes
y l’escuridá al principiu del túnel devuélvenme a la vida.
De la ciudá a la casa; un añu, mio madre dixérame’l día navidá: equí metíose’l to padrín
debaxo un tráiler. Equí, equí.
La recta solitaria na nueche ye imaxe pop del suicidiu. Autólisis
mediante l’usu la máquina. Muerte new-age. Iconu capital. Abducción familiar. Resucitación.