© Suburbia Ediciones S. L. c/Duque de Rivas, 1, 1º D.
Xixón (33204)
Con una ayuda de la
Conseyería de Cultura, Comunicación Social y Turismu del Principáu d'Asturies
Contactu
suburbiaediciones@hotmail.com
Xurde Fernández
Mañanes al otru llau
Cuando pela mañana espierto entá me sigo mirando nel espeyu enmarcáu en fierro del cuartu pa ver los mios güeyos escuros reflexaos al otru llau.
Cuando pela mañana espierto entá siento l’agua del ríu correr camín del final absolutu, ensin saber lo que pue atopar nel más allá.
Cuando pela mañana espierto entá intento tragar salmoria pa escayecer les palabres rediches que siento al otru llau del cristal de la ventana, y que falen de llugares eternos pelos qu’enxamás anduvi nin espero andar.
Cuando pela mañana espierto entá siento que yá namás merez la pena zarrar la casa qu’un día garré prestada y volver a la que me vio medrar.
Cuando espierto pela mañana entá almuerzo un vasu hasta arriba d’oruxu enantes de que les sábanes y les tos manes fríes vuelvan a aselar los mios efeutos mañaneros.